पोखरा-६ बैदाममा मुख्य कार्यालय रहेको सुनौलो बचत तथा ऋण सहकारीको १६ औं वार्षिक साधारणसभा सम्पन्न भएको छ ।

वार्षिक साधारणसभाको उद्घाटन कास्की बचत तथा ऋण सहकारी संघका पुर्व अध्यक्ष तथा कार्यक्रमका प्रमुख अतिथि सुदिप ढकालले पानसमा दिप प्रज्वलन गरी गरेका थिए । प्रमुख अतिथिको मन्तव्यका क्रममा ढकालले सहकारीमा आर्थीक अनुशासन जरुरी रहेको बताउदैँ केही व्यक्तिका कारण सहकारी क्षेत्रलाई बदनाम गर्न खोजिएको बताएका थिए ।

वित्तिय अनुशासनमा चलिरहेका सहकारीहरुमा बाहिर प्रचार भए जस्तो समस्या नरहेको बताउदै सदस्यहरु बाहिरी हल्लै हल्लाको पछी लाग्न नहुनेमा जोड समेत ढकालले जोड दिएका थिए ।

कार्यक्रममा संस्थाका सल्लाहकारहरु डम्बर बहादुर के.सी, गणेश बहादुर भट्टराई, बच्चुराम तिवारी र बिष्णु बहादुर गुरुङले शुभकामना मन्तव्य व्यक्त गरेका थिए ।

कार्यक्रममा उत्कृष्ठ सदस्यहरुमा; बुद्धिराज तिमिल्सिना र लक्ष्मी पोख्रेललाई सम्मानपत्र बाट सम्मान गरिएको थियो । साथै सुनौलो शैक्षिक पुरस्कार अन्र्तगत आधारभुत तहमा नबिन भण्डारी र माध्यामिक तहमा बरुण पौडेललाई नगद तथा प्रमाणपत्र बाट सम्मान तथा पुरस्कृत गरिएको थियो ।

साधारणसभाले सचिव सोम बहादुर थापामगर द्धारा प्रस्तुत सचिवको प्रतिबेदन र लेखा समिति संयोजक ईश्वरी प्रसाद पौडेल द्धारा प्रस्तुत लेखा सुपरिवेक्षण समितिको प्रतिबेदन, लेखा परिक्षणको प्रतिवेदन र कोषाध्यक्ष लिला भट्टराईको वार्षिक बजेट प्रस्ताव माथी छलफल गरी पारित गरेको छ ।

साथै ऋण उप समति संयोजक जिवनराज सापकोटाले ऋण लगानी र असुलीको बारेमा सदस्यहरुको जिज्ञासालाई प्रष्ट पारेका थिए । हाल संस्थामा २६२५ जना शेयर सदस्य र शेयर पुजीं रु.६ करोड ८ लाख रहेको छ ।

संस्थाको कुल वासलत रु.२७ करोड ८१ लाख को रहेको छ भने संस्थाले १७ करोड ८० लाख निक्षेप संकलन गरी १८ करोड ७९ लाख ऋण परिचालन गरेको संस्थाका सचिव शसोम बहादुर थापा मगरले जानकारी गराए।

साथै सचिव थापाले सहकारीलाई प्रविधि मैत्री बनाउदै संस्था संचालनका लागी आवश्यक नीति तथा कार्यबिधिहरु निर्माण गरि संस्थालाई सहकारी मुल्य र मान्यता अनुरुप संचालन गर्ने प्रष्ट पारेका थिए ।

साधारणसभामा संस्थाका अध्यक्ष टिकाराम सापकोटाले आगामी दिनहरुमामा पनि सदस्यहरुको सान्दर्भिक साथ र सहयोग अपेक्षा गर्दै सानो निमन्त्रणालाई स्वीकार गरी उपस्थित भएका सम्पूर्ण महानुभावहरुलाई बिशेष धन्यवाद व्यक्त गरेका थिए ।

संस्थाका अध्यक्ष टिकाराम सापकोटा को अध्यक्षतामा संम्पन्न भएको कार्यक्रमको संचालन सचिव सोम बहादुर थापाले गर्नु भएको थियो भने संस्थाका उपाध्यक्ष भोज कुमार श्रेष्ठले सहकारी का सात सिद्धान्त बाचन गरि उपस्थित सम्पुर्ण महानुभावहरुलाई स्वागत मन्तव्य व्यक्त गरेका थिए ।